ما تنساوش راه بوزبال يقوم بعدة أعمال يتهرب منها علية القوم من وزراء وشي وحدين فالحكومة وشي وحدين حاكمينا بالزرواطة وبالدين . بوزبال أ سيادنا من اشرف الناس في المغرب , عندو النسب الشريف ولكين ماشي بحال هادوك اللي كاتعرفو لي كايكولو عندهوم الشجرة كاتوصل حتى النبي العربي , بوزبال يجد ويجتهد والبعض نيام بقوم بكنس باب دارك ونتا أسي مازال ناعس ولا كادير شي حاجة مع المدام …
بوزبال ليس له حقوق ..ليست له نقابة تدافع عنه … قليلا ما نتذكر معاناته وهو حامل مكنسته بين يديه .
واش عمركوم فكرتو فيهم مساكن ...كيفاش كا يعيشو …هل حكومات المغرب كاتسنط لهمومه اليومية ..
واش عمركوم سولتوا شكون اللي جمع الزبل نهار العيد الكبير …عندما تشتم رائحة الشواء في بعض المنازل يكون بوزبال يشم رائحة الغائط و…
لكن لا بد أن نعرف ان بوزبال ليس هو فقط ذلك الانسان المقهور لي خدام في البلدية ..
بوزبال ممكن أن يكون أي واحد منا … بل كلنا بوزبالات
كلنا مستهدفين من الثلاثي الخامج ( العروبة المخزن والخوانجية ) وأتمنى أن ينصب نضال بوزبال على هذا الثلاثي الفاسد.
العروبة قتلات فينا تامازيغت ديالنا
المخزن نازل علينا بالعصى والضرائب و…
الخوانجية كايتفركعوا علينا يوميا وكايمنعونا من التفكير والنشاط
المهم ستكون هذه المدونة انتصارا ودفاعا عن كل الأشراف وفي مقدمتهم بوزبال .. وليستمر النضال حتى تحقيق المطالب المشروعة لبوزبال ولكل أشراف الوطن.
0 تعليقات :
إرسال تعليق